कीर्तिपुर नगरपालिकाको वडा नं. ३ मा ढल्पा चोक, खासिबजार तथा नयाँबस्ती क्षेत्र पर्दछन्, जसको वडा कार्यालय ढल्पा चोकमा अवस्थित छ। खासिबजार र नयाँबस्ती यस वडाका प्रमुख व्यापारिक तथा आर्थिक केन्द्र हुन्। महानगरीय प्रहरी वृत्त कीर्तिपुर तथा नेपाल दूरसञ्चार प्राधिकरणको कार्यालय यसै वडामा रहेका छन्। समल सामुदायिक पार्क, भि पुखु, लाभा पुखु, मभि पुखु तथा कीर्तिपुर घाट (दिखु घाट) यस वडाका प्रमुख सम्पदा तथा सार्वजनिक स्थल हुन्। गाईजात्रा, कृष्णाष्टमी, बाघभैरव जात्रा, इन्द्रायणी जात्रा तथा गणेश जात्रा यहाँका प्रमुख सांस्कृतिक पर्व हुन्।